WJDSA: Jop ka Niaw Wasa haka U-17, ka Tympang Newhill haka Third Div

Syllad | The Rising MeghalayaJuly 28, 2023

Ka Niaw Wasa Utd kala pynliem haduh 7 kol pyrshah iaka Lumchyrmang Mihmyntdu haka Inddependence Day Cup Under-17 Football Tournament, katba ka Tympang Club bad ka Newhil kila jop haka Third Division Football Tournament. Baroh artylli kine ki lympung dei kiba pyniaid da ka West Jaintia District Sports Assocaition (WJDSA) kaba long ha Kiang Nangbah Stadium.

Ha ka jingialehkai kaba long haka sngi Thohdieng, haka under-17, na kaliang ka Niaw Wasa Utd kala jop 7-0 kol pyrshah iaka Lumchyrmang Mihmyntdu. U Riphi O Shylla ula lam lynti iaka Niaw Wasa ban khur ia kane ka namjop kaba bunkol, hadien ba ula khyrwit saw kol kaba dei ka hattrick haka minit kaba 24′, 26, 33′ bad 35′. Ar kol la thep da u Thank You Mukhim 29′ bad 42 bad shikol da u Saibok Tariang 6′

Ha kawei pat ka jingiakhun Under-17 ka Mooknor Thadmuthlong pyrshah iaka Lion, ka jingiakhun kala wai da kaba iakhaid mar 2 kol. Na kaliang ka Lion la thep da u Nikhil Shylla 2 bad u Bankerlang Shylla 58′, katba na Mooknor Thadmuthlong la thep da u Heithrang 42, bad u Samuru Papiah 50′.

Haba phai pat sha ka jingialehkai Third Division, ka Tympang Club ka la pynliem iaka Pasyih Cultural da 2-1. Iaki kol jong ka Tympang Club la thep da u Pynshai Chyrmang 8′ bad u Vishal Nongpluh 55′. Katba ka shikol jong ka Pasyih Cultural la thep da u Iaineh Suchiang 20′.

Ha kawei pat ka jingiakhun ki kol kiba la thep da u Samson Swer 4′ bad Dawanlang Laloo 36 kila biang pura iaka Newhill ban pynliem da 2-0 iaka Chyrmang Wah.