WJDSA: Jop ka Nangbah Mulang iaka Ladthadlaboh haka Super Division, iakhaid ka First Div

Syllad | The Rising MeghalayaOctober 27, 2023

Ka Nangbah Mulang kala jop da 3-1 iaka Ladthadlaboh ha ka jingialehkai Super Division Football Tournament kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi Palei.

Ki lai kol ka Nangbah Mulang kila wan lyngba u Wirldrick Susngi haka minit kaba 27′ & 66′ bad u Chanhok Siangshai haka minit kaba 90’+3.

Shikol na kaliang ka Ladthadlaboh la thep da u Banteilang Shylla haka minit kaba 60′.

Shuwa kane haka jingialehkai First Division Football Tournament pat ka jingialehkai kala wai da kaba iakhaid hadpeng ka Nangbah Iawmusiang pyrshah iaka Demthring da 1-1.

Na kaliang Nangbah Iawmusiang la thep da u Joplangki Challam 55′ bad iaka kol jong ka Demthring la thep da u Maidong Mukhim 81′.

Haka 27 tarik Risaw, ka jingiakhun First Division kan long hapdeng ka Dulong pyrshah iaka Sohmynting haka por 12.00 baje nohphai sngi, katba ka jingialehkai Super Divison Football kan bteng pat haka 28 tarik Risaw hapdeng ka Khimusniang pyrshah iaka Mukhla Raij SC