WJDSA: Jop ka Mukhla Raij haka Super Div, ka Khliehiongriang haka First Div

Syllad | The Rising MeghalayaOctober 28, 2023

Ka Mukhla Raij SC kala pynliem da 2-0 iaka Khimusniang haka jingialehkai Super Division Football Tournament kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi Saitjain.

Ia kine ki ar kol ka Mukhla Raij la thep da u u Meker Pyrtuh 25’ bad u Chandame Suna 90’+1.

Haba ka jingialehkai First Division Football Tournament ka Khliehiongriang ka la pynliem da 4-2 iaka Lutituber SW

Ha kane ka jingialehkai ka Lutituber SW kala tamj shuwa shakhmat da ki ar kol kaba la thep da u Ribait Lhuid 9’ bad u Baiahluti Dhar 15’.

Ka Khliehiongriang kaba wan nadien kala thep baroh saw kol haka kylla miet jong ka jingialehkai. U Same Dkhar ula the par kol 50’ bad 90’+1 bad mar shikol da u Arwan Dkhar 73’ bad u Founder Passah 79’.

Haka 30 tarik Risaw ka jingiakhun First Division kan long hapdeng ka Moosalyngkat pyrshah iaka Wahiajer haka por 12.00 baje mynsngi. Ka Super Division kan long hapdeng ka Shangpung Lumiawmushai pyrshah iaka Niaw Wasa haka por 2.00 baje nohphai sngi.