WJDSA: Jop ka Lutituber haka Independence Day Cup, Mookyrdup bad Sohmynting haka Third Div

Syllad | The Rising MeghalayaJuly 25, 2023

Ka Lutituber Ialong kala jop haka Independence Day Cup Under-17 Football, katba ka Mookyrdup bad ka Sohmynting kila jop haka Third Division Football. Baroh ar tylli kine ki tournament la pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi Nyngkong.

Haka jingiakhun Under-17, ka Lutituber Ialong kala jop da 1-0 iaka Lumpariat. Ia kane ka kol la thep da u Denis Mulieh (36).

Kawei pat ka jingiakhun hapdeng ka Tpeppale pyrshah iaka Mooknor Thadmuthlong kala kut da kaba iakhaid da 1-1. Ka Mooknor kala thep shuwa lyngba u Heinthrang Lyngdoh 33′ tang hadien 3 minit bala iaid ka jingiakhun ka Tpeppale kala tan kylla iaka jingiakhun sha kaba iakhaid da ka kol kaba thep u Jopibormitre Dkhar.

Haba phai sha ka Third Division, ka Mookyrdup kala jop da 2-0 iaka Umshangiar. Ia kine ki kol la thep da u Daohi Kharbih 15′ bad u L Niang 52′.

Ka Sohmynting Dongnein pat kala pynliem da 2-0 Khliehmyntdu Neinshnong. Ia kine ki kol la thep da u Shan Dkhar 18′ bad u Sainbor Kassar 70′

Ka jingiakhun 25 tarik Naitunghaka Third Div kan long hapdeng ka YSW Pynthor pyrshah iaka Nangbah Mooknor haka por 10:30 mynstep, kawei pat ka jingiakhun kan long hapdeng ka Tpeppale pyrshah iaka Lumkhangdong Kyndongtuber haka por 12 mynsngi.

Haka Under-17, ka Dongmihsngi pyrshah iaka 7 Wasa haka por 1:30 baje nohphaisngi bad ka Mynthong pyrshah iaka Sohmynting 3 baje nohphaisngi.