WJDSA: Jop ka Lumchyrmang Iooksi haka Third Div, ka Mukhla Raij haka U-17

Syllad | The Rising MeghalayaJuly 31, 2023

Ka Lumchyrmang Mihmyntdu, ka Iooksi kila khur namjop haka jingiakhun Third Division Football, katba ka Mukhla Raij kala jop haka Independence Day Cup Under-17 Football kiba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi Nyngkong.

Haba phai sha ka jingialehkai Third Division, ka Lumchyrmang Mihmyntdu ka la pynliem da 3-1 iaka Loompyrdi Iongpiah. U Sooki Chyrmang haka minit kaba 24, u Ohi Dkhar haka minit kaba 52 bad u Wanphi Chyrmang haka minit kaba 59 kila thep iaka kol jong ka Lumchyrmang, katba ka shikol ka Iongpiah la thep da u Salan Passah haka minit kaba 31.

Haka jingiakhun kaba bud, ka Iooksi SC kala jop da 2-0 iaka Lumsliarsliar. Ki kol u Pyrshang Tangliang haka minit kaba 44 bad u Ngaitni Syngkon haka minit kaba 58 kila biang pura iaka Iooksi ban khur jingjop.

Haba phai pat sha ka jingialehkai Under-17, ka Mukhla Raij kala jop da 3-0 iaka Panaliar. Ia kine ki lai kol la thep da u Guidingstar Suna haka minit kaba 3 & 13 bad u Sanga Sumer haka minit kaba 42.

Shuwa kane ka jingialehkai, ka jingiakhun hadpeng ka Demthring pyrshah iaka Khimusniang kala kut noh da kaba iakhaid khlem don mano mano ba ioh pynkhih jar.