WJDSA: Jop ka Ladthadlaboh haka U-17 bad ka Myrjai haka Third Div

Syllad | The Rising MeghalayaJuly 29, 2023

Ka Ladthadlaboh SC kala khur iaka namjop haka Independence Day Cup Under-17 Football Tournament bad ka Myrjai kala jop haka jingialehkai Third Division Football kaba pyniaid daka West Jaintia District Sports Association (WJDSA) kaba long ha Kiang Nangbah Stadium kaba long haka sngi Saitjain.

Haka jingiakhun Under-17, ka Ladthadlaboh SC kala jop da 2-0 iaka FAM. Ia kine ki ar kol la thep da ki shipara u Chanmi Phawa 51’, Fourly Phawa 57’ kaba la biang pura iaka Ladthadlaboh ban khur iaka namjop.

Ka jingialehkai hapdeng ka Sohmynting pyrshah iaka Pynthor Youth Social Welfare kala kut khlem don mano mano ba ioh pynkhih jar.

Haba phai sha ka jingialehkai Third Division, ka Myrjai kala pynliem da 2-0 iaka Khlieh Shnong Ialong 2-0. Ia kine ki ar kol la thep da u Jumonki Phawa 5’ bad u Bahduh Phawa 44′.

Haka jingialehkai kaba bud kaba long hapdeng ka Da I hi Mynsngat pyrshah iaka SCSC Nonglatem kala kut noh da kaba iakhaid mar shikol. Ia kine ki kol na nakaliang Da I Hi Mynsngat lathep da u Heltwis Pyrtuh 45’ bad ka SCSC Nonglatem kala ioh ba n pynphai kylla lyngba u Living Suja 60’

.