Jingpynbna na ka WJDSA halor ka Independence Day Cup

Syllad | The Rising MeghalayaJuly 12, 2022

U Hony General Secretary West Jaintia Hills District Sports Association (WJDSA) Ma Lammat oo Laloo ula pyntip paidbah ba ka don ka jingpynkylla ha kaba iadei bad ka Independence Day Cup Football League cum Knock Out kaba la thmu ban pynlong ha kine ki khyndiat sngi ban wan.

Ula ong ba ia kane ka tournament la thmu ban pynlong haka kyrdan Under-16 Boys’, hynrei namar ba ka don ka jingpynkylla bad ka jingiakren pynbeit hadpeng synjuk ialehkai ha Jylla kumjuh hapoh ka ri la pynkylla noh sha ka Under-17 Boys.

Ha kane Tournament kiba jop napoh District kin mihkhmat sha ka state level bad kumjuh sha ka National Level la ong shuh shuh u ma Lammat.

Ha kaba iadei bad ka bai rung (Entry) kan neh kumjuh T.1500, bai registration uwei u pleiar T.30/- bad kawei ka kynhun kam dei ban tam palat 25 ngut ne duna 20 ngut shi kynhun.

Ka jingot snem ha kane ka tournament ne kiba lah ban iashimbynta ka long tang kiba to kiba kha naduh 1 tarik Kyllalyngkot (January) 2006. Ka jingjurip pleiar ne screening kan long haka 16 tarik Naitung naduh ka por 9 baje mynstep ha ophis treikam jong ak WJDSA ha Kiang Nangbah Indoor Hall. Kiba wan palat iaka por 2 baje nohphaisngi ka WJDSA kala rai ba kan nym pdiang shuh.

Ka WJDSA kala kyntu ia baroh ki klob kiba la dep siew bai rung ba kin wan biang por, khnang ba ka jingthmu kin long kiba jop.