WJDSA: Buh jaka sa ka Mukhla Umlangshor, Moodop Royal bad ka Madankynsaw haka semifinal Third Div

Syllad | The Rising MeghalayaAugust 20, 2023

Ka Mukhla Umlangchor, Moodop Royal bad Madankynsaw kila lah ban buh jaka ialade haka kyrdan jong ka semifinal haka Third Division Football Tournament-3rd Adelbert Memorial Trophy kaba pynïaid da ka West Jaintia District Sports Association (WJDSA).

Ka jingiakhun semifinal kan long haka 21 tarik Nailar, ka sngi Nyngkong.

Haka jingialehkai quarterfinal kaba long ha madan Kiang Nangbah Stadiumhaka sngi Saitjaiñ, Mukhla Umlangshor kala pynliem da 1-0 iaka Newhill. Ia kane ka kol la thep da u Rynkat Sumer haka minit kaba 84′.

Ka Moodop Royal jop da 2-0 iaka Pateinki Sabah. U Harvestar Dhar (53′) bad u Lakhon Shylla (75′) (own goal) kila thep ia kine ki kol kaba biang pura iaka Moodop Royal ban khur jingjop bad ban buh jaka haka semifinal.

Ka quarter final kaba khatduh, ka Madankynsaw Mookyndeng ka la pynliem da 1-0 ïaka Da-I-Hi Mynsngat. Ka kol kaba la thep u Danechan I Sayoo haka minit kaba 63′ kala biang pura iaka Madawkynsaw ban buh jaka haka semifinal.

Ki kynhun bala rung sha ka semifinal kilong ka Madan Thadmuthlong kan aireng pyrshah iaka Mukhla Umlangchor bad ka Moodop Royal pyrshah ïaka Madankynsaw Mowkyndeng.