Wer sngewbha ka San Shnong Welfare Association Mukhaialong sha ka tamasa iadaw masi rong

Syllad | The Rising MeghalayaSeptember 12, 2022

Ka San Shnong Welfare Association Mukhaialong kan pynlong iaka iadaw masi rong ne ka tamasa iadur masi haka 19 tarik u Nailur ha madan Kremlabit Mukhaialong.

U Ma Tyrnit Pdein general secretary San Shnong Welfare Association Mukhaialong ula ong kane ka tamasa ka dei ban ioh leh kmen ki paidbah ka thain shuwa ban lum ia u kba u khaw na ki hali ki pynthor kaba la hikai da u longshuwa manshwa. Ia kane ka tamasa la rai ban pynlong hadien ka jingpyrkhat jong ki waheh shnong kiba kynthup iaka Pynthorsale, Mukhaialong,  Mutong,  Cham  Cham bad ka Lumshymrmit ryngkat bad u paidbah ban pynkhie im biang ia kane ka tamasa. Ha kajuh ka por ha kane ka tamasa yn pynmih pisa ruh na ka bynta ka skulk aba pyniaid dda ka synjuk kaba la tip kum ka San Shnong secondary  School  .

Ka synjuk ka khot ka wer ia u paidbah kynthei ba shynrang ban wan sha kane ka tamasa haka 19 tarik Nailur 2022 khnang ba ki jingthmu ka synjuk kilong kiba jop.

U kongsan ha kane ka sngi u dei u Myntri Sorkar bad MLA ka Khliehriat ma Kyrmen Shylla, u symbud  kongsan MDC ka thain uba long ruh Dy CEM JHADC ma Lasky  Rymbai. Yn iadonlang ruh u MDC Ma Finelyness Bareh, MLA barim Justine Dkhar nalor kiwei kiwei.

Kino kino kiba donkam iaka jingtip ba bniah ki lah ban phone ha  u president, general secretary San shnong  contact no  9863044083/9366561063.