Wer ka VPP sha ka jingialang pynshai paidbah ha Khliehriat

Syllad | The Rising MeghalayaJuly 21, 2023

Ka Voice of the People Party (VPP) ha u kyrwoh lyngba u Bah N Dkhar General Secretary VPP, Khliehriat Circle da kane ka pyntip sha ki nongshong shnong ka East Jaintia Hills District kaba kynthup ia ka 6 Khliehriat LA Constituency bad ka 5 Sutnga Saipung LA Constituency ba kan don ka jingialang pynshai paidbah halor ka synshar khadar kaba khuid bad ka jingpynrung dkhot thymmai mynta ka sngi 22 tarik Naitung 2023,  ha ka por 1:00 nohphai sngi ha Khliehriat West Community Hall.

Kumta ka VPP Khliehriat Circle ka khot ka wer ia ki paidbah nongshong shnong baroh naduh ki longkmie, longkpa bad samla kynthei bad shynrang ban ia poi da ka jingkitkhlieh ban wanrah ia ka jingkylla lyngba ka jingiasnohkti lang ban aijingkyrshan ia ka Seng khnang ba kan ioh bor na ka bynta ban pyntrei ia kiba bun ki kam ha ka imlang sahlang hapoh ka Bri u Hynniewtrep hi baroh kawei.

Ha ka juh ka por la kyrpad ia ki paidbah ba kin ia wan ryntih ha kane ka sngi khnang ban iohsngew ia ka jingkren na u  Bah Ardent M Basaiawmoit, President Rangbah jong ka Party  bad u Dr Ricky AJ Syngkon, General Secretary ka Party u ba dei ruh u  kyrtong MP jong  ka Party ha ka ilekshon ka ban wan.