Wer ka kur Phawa Siangshai ia ki kur sin sha ka jingialang ha ka 20 tarik Nailur

Syllad | The Rising MeghalayaSeptember 12, 2024

Ka Kur Phawa-Siangshai Central Body, ka khot ka wer ia ki nongialam ne ki nongkitkam jong kino kino ki kur sin ne ki kur kiba dang iadei kur bad ka Kur Phawa, Siangshai, Lyngdoh-Phawa sha ka jingialang ka ban long haka 20 tarik Nailur.

Kane ka jingialang kan long haka Head Office jong ka Kur Phawa-Siangshai haka por 11 baje mynstep haka shnong Ialong ha ka jaka kaba la tip kum ka Khliehwah Sahsniang kaba don harud ka surok NH-6 hajan ka Ialong Toll Plaza.

Kumta la kyntu ia baroh ki nongkitkam kiba dang iadei kur ban shimkhia ban wan khnang sha ka jingialang ban iakren sani na ka bynta ka jingbha jong ka kur Phawa Siangshai. Ia une u kyrwoh la phah da u publicity ka Kur Phawa Siangshai.