Wer ka Balang Presbyterian Mawlong sha ka jingpynkyntang iingmane bad pynkut rakhe 125 snem 

Syllad | The Rising MeghalayaNovember 15, 2023

Ka Balang Presbyterian Mawlong (Sohra Presbytery) ka khot ka wer sngewbha ia baroh ki parabangeit nong Mawlong kiba shong ba sah shabar jong ka shnong Mawlong kiba dang don kyrteng balang bad ruh ki bym don kyrteng balang shuh ha ka Balang Mawlong sha ka jingpynkyntang ia ka Iingmane ha shnong Mawlong ha ka 26.11.2023, por 10:30 mynstep bad  ha ka jingpynkut noh (Closing Ceremony) ia ka jingrakhe jingdap 125 snem (Quasquicentennial Jubilee) jong ka Balang ha ka por 1:30 pm.

Kumjuh ka Balang ka khot sngewbha ruh ia kito baroh ki bym dei ki nong Mawlong kiba dei ki parabangeit ne kiba don ha kiwei kiwei pat ki jingngeit, hynrei kiba la ia don bynta lem ha ka jingpynmih fund na ka bynta ka jingtei thymmai ia ka Iingmane kata naduh u snem 2002 ter ter kum kaba iarap pyniaid lem ia ki Donors Cards, ka jingiarap ha kaba pynmih ia ki Cassettes, ka jingiarap pyndie lem ia ki Cassettes bad ka jingiarap pisa (Donation) ba kin sngewbha ban ia wan lang ha katei ka sngi. Kane ka long katkum u kyrwoh lyngba u Bah B P Lyngskor, Secretary, Balang Presbyterian Mawlong.