Weng containment iaka Kongwang, pynjynsur ha Dawki, Bakur bad Darrang

Syllad | The Rising MeghalayaApril 22, 2021

U  Sub Divisional Officer (Civil), Amlarem Sub-Division Abhilash Baranwal, IAS  ula pynbna bala weng iaka hukum containment haka shnong Kongwang haka sngi Balang.

Katkum ka hukum kaba ula pynmih ula ong ba iaka containment haka shnong Kongwang la weng, katba kiwei ki shnong kaba kynthup iaka Darrang, Dawki bad Bakur la ailad iaki briew ban kamai kajih bad ban iaid ban ieng ki briew tang hapoh shnong.

Ka jingpynjynsur iaka containment ha kine ki saw tylli ki shnong kadei hadien ba la ioh iaka report na ka tnad ka koit ka khiah baka jingpur ka khlam COVID-19 ha kine ki shnong kala duna hadien bala pyndep iaki test bad iaki briew kiba don jingma na ka jingbit iaka khlam.

Pynbna containment areas ïaka Darrang, Shnongpdeng, Dawki bad kiwei

Hynrei katkum ka hukum la khang pyrshah ban rung ban mih ki briew na kine ki saw tylli ki shnong namar ba dang hap ban ap iaka result RTPCR kaba la shim haka 21 tarik u Iaiong.

Katba ka hukum containment haka shnong Shnongpdeng bad ka Lymba ka neh kumjuh katkum ka hukum kaba la pynmih haka 13 tarik Iaiong tad haduh ba la lah ban pynthikna ba la tem iaka jingpur ka khlam COVID-19.

Mana ban khaïi khappud Bangladesh ïaki shnong ba hap haka containment areas