Weng Containment haka kyntoit ha Jowai

Syllad | The Rising MeghalayaJune 21, 2021

U District Magistrate, West Jaintia Hills haka sngi Nyngkong ula weng iaka hukum Containment kaba la pyngngat haka kyntoit Syngrangbangbluh kaba hap ha Dongmihsngi, Jowai.

Ia kane ka jaka la pynbna containment haka 12 tarik une u bnai hadien bala jur ka jingiabit khlam COVID-19 ha katei ka kyntoit.

Ka hukum ka ong la weng ia kane containment hadien bala kham duna jingiabit khlam ki nongshong shnong ha kane ka kyntoit, hynrei ym shym la pyllait pat na kyndon pynjari ba la pynjari hapoh ka district ban tem iaka jingpur ka khlam.