Wat kmen toh hoh ïaka rai ka Union Cabinet halor ka Amendment Sixth Schedule: MP Shillong

Syllad | The Rising MeghalayaJanuary 24, 2019

JOWAI: U ma Vincent H Pala MP Shillong Constituency u la ong “Wat kmen toh hoh  lane long kloi ban ngeit bad lehkmen ïaka jingmynjur jong ka Union Cabinet ïaka jingpynkylla ïaka Sixth Schedule bad ban pybnkhlain bor ïaki konsil haka thain Shatei Lammihngi”.

“Lada ym pat ïohi ïaka Bill haka jingthoh wat long kloi ban lehkmen namar mynta ka dei tang ka jingmynjur jong ka sorkar”, ong u MP bad bynrap “hadien bala ioh ban pule ïaka jingpynkylla ngin tip bniah la ka aibor ne pynduna ïa ka bor jong Sixth Schedule”.

U Myntri Rangbah Ka Jylla u Conrad K Sangma ula pynpaw ka jing sngewkmen halor kane ka rai jong ka sorkar BJP ban pynkylla ïa ka Sixth Schedule bad ula ai khublei haka twitter sha u @Modi. Kane ka amendment kan pynkhlain bor bad pynheh ïaka iarong pisa jong ki konsil ha thain Satei LamMihngi, ula ong u CM ka Jylla.

U Dr. Mukul Sangma Chief Minister barim ka Jylla ula ong ba kane ka dei na ka jingtrei shitom jong ka sorkar barim ryngkat bad ki kynhun jong ki seng bapher bapher bad kumjuh ka jingkut jingmut jong ka ANVC ban wanrah ïa ka jingsuk haka jylla.

U la ong ruh “ba ka sorkar pdeng ka la dep kular ïa ka sorkar barim jong ka jylla ban amend ïa ka Sixth Schedule, hynrei ka Sorkar ka suki ban leh ia kane, hynrei wat lada ka long slem  u ai khublei ïa ki paidbah jong ka jylla na ka bynta ka jingïaishah jong ki”.