Wan pynthikna u Sniawbhalang Dhar ban pynurlong iaka juban lak kaba ula khlei ban pynkylla dur iaka Kiang Nangbah Stadium ha Jowai

Syllad | The Rising MeghalayaMay 4, 2023

Ki dak ki shin kila shai kdar ba u ma Snaiwbhalang Dhar ula angnud ban pynurlong iaka juban lak kaba ula khlei ban tei ban pynbha iaka madan Kiang Nangbah Stadium ha Jowai.

U Ma Sniawbhalang Dhar haka sngi Balang dalade ula wan hiar jurip iaka Kiang Nangbah Stadium. Ha kane ka sngi ula jurip ruh iaka Wahiajer Multi Sports Complex kaba jingtei ia kane ka madan kala iaid shait shait.

Ka jingtei iaka Mutli Sports Complex ha Wahiajer ka dei lyngba ka State Plan Scheme bad ka Sports Authority of India’s Khelo India Infrastructure Scheme bad project ka shongdor T.24,97,11,000.

U Ma Sniawbhalang haba kren ula ong ba ka jingwan jurip jong u iaka madan Kiang Nangbah Stadium kadei na ka bynta ban pynbiang iaki jingdonkam ha kaban pynkhreh iaka Details Project Report nalor kiwei kiwei jingdonkam ban shna iaka dur ka dar thymmai ka Kiang Nangbah Stadium.

Dangshen haba pynhap pyrda iaka jubilee rakhe 50 snem ka West Jaintia District Sports Association, u ma Sniawbhalang Dhar ula kular ban ai sngewbha jubilee T.25 klur ban shna ia kane ka madan.

Ha kane ka sngi la synranlang ia u ma Sniawbhalang Dhar da u Commissioner and Secretary, Sports & Youth Affairs ka sorkar Jylla u Dr D Vijay Kumar haka jingdonlang u District Sports Officer (DSO) u Khroobok Passah, ki nongkitkam bad ki dkhot ka WJDSA ba kynthup u Working president u EMH Passah, u General Secretary u Lammat oo Laloo bad kiwei kiwei.