Wan buh maw nongrim u Ma Lahkmen ban tei iaka Science Block ka Sohkha Govt. HSS

Syllad | The Rising MeghalayaDecember 4, 2020

U Ma Lahkmen Rymbui, Myntri ka tnad pule puthi jong ka sorkar Jylla haka sngi Thohdieng ula buh ia u maw nongrim ban tei iaka building kaba thymmai naka bynta ka Science Block jong ka Sohkha Government Higher Secondary School, Amlarem Sub Division, West Jaintia Hills District.

Ha kane ka jingbuh mawnongrim u Ma Lahkmen uba long ruh u MLA ka thain la iadonlang u Bah DP Wahlang IAS, Principal Secretary Education, SDO Amlarem Civil Sub division ka kong JU Kharpuri nalor ki bor pyniaid ka skul bad kiwei kiwei.

U Ma Lahkmen haba kren ula ong ba ka sorkar kala tei iaki iingskul ha kylleng ki jaka ban pynbha iaka pule ka puthi haka jylla. “Ban pynsuk shuh shuh iaki khynnah skul ban iakhun eksamin na Sohkha bad ki shnong ba marjan ha snem 2022 ka Sohkha yn pynlong iaka kum ka MBOSE Examination Centre,” la ong u ma Lahkmen.

Shuh shuh ha kane ka juh ka sngi ka All Sohkha Development Committee kala pynkup burom iaki 32 ngut ki khynnah kiba pass bha ha ki eksamin bapher bapher.

Ka Kong S. Bareh, Incharge Principal Sohkha Govt. Higher Secondary School, Sohkha kala iathuh iaka jingjop jong ka skul Sohkha Govt HSS haka SSLC bad HSSLC Examination 2020 kaba pyniaid da ka  MBOSE.

“Haka SSLC Examination ki khynnah ba pass ki long 91.33%, ha ka HSSLC Arts 100% bad haka HSSLC Science 60%. Haka SSLC Examination u Lakhon Larry Brown Khonglah ula wan haka kyrdan kaba 9 haka First Twenty,” la ong ka Kong Bareh.