Ujor ka KSU da ka ejahar iaki nong Assam kiba khlong maw beaiñ ha Malidor

Syllad | The Rising MeghalayaJanuary 1, 2021

Hadien ba ki nongkhaii na Assam (Lower Assam) kila bteng ban khlong maw beaiñ ha Wah Malidor ka KSU, Narpuh Circle kala mudui da ka jingujor ejahar ha Umkiang Police Patrolling Post.

U President ka KSU Narpuh, u KS Suchiang ula ong ba kine ki nongkhaii maw beaiñ na Assam kila bteng ban pyni bor bad khlong ia u maw na Wah Malidor wat hadien ba ka KSU kala leit ban pynsangeh ia kane ka jingkhlong maw haka 30 tarik u Nohphrah 2020.

“Ngi la rai ban ujor da ka jingujor ejahar, khnang ba ki bor jong ka aiñ kin shimkhia ban leit ban pynsangeh ia katei ka kam beaiñ. Lada ka sorkar kam shimkhia, ngin pyni syndon da ka kam bad lada jia eiei kaba sniew ki ar ki jylla Assam bad Meghalaya kin hap ban kitkhlieh,” la ong u KS Suchiang.