Ujor ka KSU Barato sha ka DSEO ba lap ia ki jingduna ha Barato Govt UP School

Syllad | The Rising MeghalayaSeptember 1, 2025

Ka Khasi Students Union (KSU) Barato Unit ha kine ki khyndiat sngi ba la dep ka la pynlong ka jingleit jurip ia Barato Government Upper Primary School ha kaba ka la lap ia shibun ki jingduna.

Kumta ha ka 25 tarik Nailar ka seng hapoh ka jingialam jong u samla Ehbok Sten President bad Marki Pala Education Secretary ryngkat ki dkhot kila leit buh da ka jingthoh sha ka ophis treikam jong ka District School Education Officer (DSEO), West Jaintia Hills ban kyntu ban shimkhia na ka bynta ka jingbit jingbiang jong kane ka skul.

Ka KSU kala kyrpad na ki bor ba dei peit ban shimkhia lem ha kaba iadei bad ka jinglong jingman jong ka iingskul kaba la jot bad ka bym i long shuh khamtam ha ka por lyiur kumjuh ka kynroh jingker namar kane ka skul ka don hapdeng artylli ki surok bad kam long shngaiñ ia ki khynnah skul bad ka paiñkhana ruh ka don tang kawei kaba buh jingeh shibun ia ki nonghikai bad ia ki khynnah skul kumjuh.

Haka juh ka por KSU kala buh ruh ruh da ka jingujor pyrshah ia ka Headmistress jong ka skul hadien ba ka la ioh pdiang ia ka jingujor na kiba bun bad hadien ka jinglap hi dalade ba kam ju kham wan sha skul ha ka rukom kaba dei ban long, bad ki khynnah skul ki iakynduh shibun ki jingeh khamtam ha ki sobjek kiba ka shim.

Kumta na ka liang ka KSU ka la kyntu jur ia ki bor ba dei peit ban shimkhia bad leh ia kaba donkam namar kane ka skul ka long ka lad jingiarap kaba khraw ia ki khynnah jong ka thain ban ioh ia ki lad jingpule namar kham bun ki dei kiba wan na ki longiing kiba duna ha ka ioh ka kot bad kiba im sngi da ki kam bylla bad ka rep ka riang.

Na ka liang ka ophis DSEO ruh ka la kular ban shimkhia halor kine ki mat ba la pynpaw da ka KSU, ha u kyrwoh bala phah