Ujor ka JSM sha u DC ba sniew tasam ka surok Shillong Jowai

Syllad | The Rising MeghalayaJuly 24, 2021

Ka Jaiñtia Students’ Movement (JSM) haka sngi Thohdieng kala ai da ka jingujor sha u Deputy Commissioner, West Jaintia Hills District halor ka jingsniew tasam ka surok Shillong Jowai.

Haka jingujor kaba la ai ka JSM lyngba u Pillar Phawa, joint secretary JSM ula kyntu ia u DC ban shimkhia ban tuklar bad phah maramot ia kane ka surok khamtam na Ummulong sha Mookyndur kaba la sniew palat liam kaba la dap da kli thliew ki syar kaba buh jingma iaka iaid ka ieng ki kali motor.

“Wat kane ka surok bah NH 6 ka dei kaba bun kali bad kaba pyniasoh ruh ia bun ki jylla, hynrei katba nangmih ki sngi ki thliew ki syar kila nang bun bad shitom ka iaid ka ieng ki kali naduh ki kali haduh ki kali rit,” la ong Pillar.