U Streamly N Suchen u president ka KSU Khliehriat Circle

Syllad | The Rising MeghalayaFebruary 15, 2021

Ka Khasi Students’ Union (KSU) Khliehriat Circle kala pynthymmai ïaki nongkitkam jong ka na bynta ka samoi treikam jong u snem 2021-2023 bad ha kajuh ka por ka la pynrung ïaki 20 ngut ki dkhot thymmai sha ka KSU. Ha kane ka kynti u Stremly N Suchen ula shah jied kum u president ka KSU Khliehriat Circle.

U Ostarnic Marbaniang Organising Secretary ka KSU CEC ha ka jingïadon lang u Shinningstar Kharbihkhiew Assistant Education Secretary ka KSU CEC, u Ohibiat Dkhar President ka KSU Jaintia Hills District ula pynskhem iaki nongkitkam ka KSU Khliehriat Circle.

U Ostarnic Marbaniang haka jingkren ula kyntu kynpham ïaki dkhot thymmai ba kin trei shitrhem bad ban ïeng ha ki lai tylli ki maw byrsiew kumba ka KSU ka ïeng naduh ba ka seng ïaka kata ban pyneh pynsah ban kyntiew bad ban ïada iala ki jong bad ka jaitbynriew.

Kiwei de kiba la ai jingkren ki long u August Timung President ka KSU Lapangap Unit, u Satly Ryngkhlem president ka Synjuk ki Waheh Shnong East Jaintia Hills District bad u vice president ka KSU, u Shiningstar Kharbihkhiew bad u Ohibait Dkhar.

Nalor u Streamly la jied vice President, Satly S. Ryngkhlem, General Secretary Cherity D. Suja, Assistant General Secretary Emmon Chyrmang, Education Secretary, Pynshai Kupar.Dkhar, Organizing Secretary, Shaniahskhem Dkhar, Publicity Secretary, Samson Rymbai, Finance Secretary, H.Nongtdu, Asst Finance Secretary, Ohiwet Rymbai.

Ki Executive Memberki kynthup ia u Korea Pyrngap, Marchy Dkhar, Kyrshan Dkhar, Donbok Mukhim, Seiborlang Shylla, Roskil Chyrmang, Maichel Langstang, Wiljop Nongtdu.

Ha kane ka sngi don haduh 20 ngut mki samla na ka thain Khliehriat kiba la pynrung dkhot ialade bad ka KSU.