U Medling Swer kum u kyrtong UDP na War East

Syllad | The Rising MeghalayaDecember 17, 2024

Ka United Democratic Party (UDP), War East kala pynbna paidbah iaka kyrteng jong u Bah Medling M Swer ban long kum u kyrtong ka UDP napoh 1-War East Constituency ban aireng haka election MDC ka ban wan na Jaintia Hills Autonomous District Council (JHADC)

Ia kane la pynbna da u MLA ka Amlarem bad District President UDP Bah Lahkmen Rymbui haka jingialang pynskhem iaki nongkitkam bathymmai jong ka UDP War East kaba la long Pdengshakap, West Jaintia Hills District haka 16 tarik Nohprah.

U Bah Bah Lahkmen Rymbui haba pynbna iaka kyrteng jong u Bah Swer, ula ong ba udei u samla rangbah uba don shisha mynsiem ban kit iaka lyngkor bad synniang hapoh ka imlang sahlang ymtang hapoh ka War East hynrei haka thain War Jaintia hi baroh kawei.

Ki nongkitkam bathymmai jong ka 1-War East Constituency ki long, President Elwis Khongiong, Vice President Disuk Tariang, Secretary Shiningstar Manner, Assistant Secretary Best Buam, Treasurer Kong Kongka Rasmut, Adviser LB. Sumer, Cibill Tariang bad Comfort Lynthong bad la jied ruh iaki 10 ki dkhot.