U Friday Shadap u nongjop iaka Mahindra Thar ka EJDCA

Syllad | The Rising MeghalayaNovember 28, 2023

U Ma Friday Shadap uba na ka shnong Narwan ula long u nongjop iaka prize kaba nyngkong kaba dei ka Mahindra Thar haka jingpynkhalai nusip (Lucky Draw) kaba la pynlong da ka East Jaintia District Cricket Association (EJDCA).

Ia kane ka Lucky Draw la pynlong kum shibynta ban pynmih pisa na ka bynta ban tei iaka madan ba paka ka EJDCA. Ia kane ka lucky draw la pynkhalai haka 25 tarik Naiwieng.

Kane ka kynti ka dei ka sien kaba nyngkong ba ka EJDCA kala pynlong ia ka fete bad lucky draw ban kyntiew iaka iarong pisa ka synjuk. Kala sam iaki khusnam haka sngi ba Ar haka jingialang kaba lyngkot ha iing basa East Side Inn ha Ladrymbai Bypass, Jalyiah.

Ka prize kaba ar (T.1 lakh) la ioh rah da u Tiwfill Shadap, kaba lai la (T.50 hajar) ym pat don ba kam kynthup ia kawei ka consolation prize.

Ia ki consolation prize kaba mar T.10 hajar la rah da u Ma Victor Suja na Lamyrsiang, Kong Sila Rymbai na Mookhep, Ma Memento Paswet na Laadthadlaboh, Jowai, Ma Harvis Shylla na Dkhiah East

Ha kane ka jingsam iaki prize la iadonlang u president EJDCA, Rajiv Bareh, vice president Mehiwot Chadap, general secretary Tnebha Phawa, Assistant Secretary Marchial Nongtdu,Treasurer Marius Siangshai, ki dkhot EJDCA Wilbert Nongtdu, Kyrmen Chyrmang, Deini Dhar, Francis Dkhar, adviser James Sutnga bad kiwei kiwei.