U Ajoy Lywait u waheh chnong thymmai ka Tympang Iawmusiang

Syllad | The Rising MeghalayaApril 10, 2022

U Ma Ajoy Lywait uba ju long u secretary jong ka Dorbar Shnong Tympang Iawmusiang ula shah jied kum u Waheh Chnong thymmai na ka bynta samoi treikam kaba lai snem.

Ia kane ka jingjied waheh chnong la pynlong haka 2 tarik une u bnai kaba la wan sakhilang da u Dolloi ka Elaka Jowai, Ma Puramon Kynjing.

Hynnin ka sngi Saitjain la jied ruh ia kiwei pat ki nongkitkam shnong, kiba kynthup ia u assistant waheh chnong la shimti da u Thimothi Phawa, secretary u Heisarmi Laloo, assistant secretary u Robertt G Tongper, tresurer GM Lamar, auditor Kamwa Lamar, Arki Mohrmen bad ka kam chairman la jied ia u Niwen Shylla.

Ki dkhot executive committee la jied haduh 12 ngut kiba kynthup iaki longkmie bad rangbah ka shnong.