Trei tangdep ki Muster Roll ka tnad PWD, ieh sah iaki ñiut ha lynti paidbah ha Iawmusiang

Syllad | The Rising MeghalayaMarch 19, 2021

Ha kane ka dur lah ban iohi ia ki ñiut kiba la lumthup bad la shu ieh ha lynti paidbah ha Iawmusiang Jowai la bun bun sngi.

Katkum u kyrwoh bala phah da ka Seiñ Khynroo Dorbar Shnong Tympang Iawmusiang kila kynnoh ba ia kine ki ñiut kiba la lum thep ha lynti paidbah hapoh ka shnong la shu ieh da ki nongtrei muster roll jong ka tnad PWD. Kine ki Muster Roll kila lumthup ia kine ki ñiut kiba kila khlong bad pynkhuid na ki nala bad ïeh ïaki ha ki lynti ïaid kjat khlem pynlum.

Halor kane ka Seiñ Khynroo Dorbar Shnong Tympang Iawmusiang kala pynrem jur ïaka jingleh riewkhlaw kine ki Muster Roll bad maham jur ia kine ki nongtrei Muster Roll kiba leh tangdep ia ka kam bad dawa na ka tnad PWD ban pynshitom ïaki.