Tlot ka bording ha Wapungskur ong ka KSU

Syllad | The Rising MeghalayaOctober 27, 2022

Ka KSU Wapung Unit haka sngi Balang kala ai da ka dorkhat ha u Deputy Commissioner, East Jaintia Hills District ban pynioh transformer ha Wapungskur ba tlot bor ka bording.

U general secretary KSU Wapung u Shwari Ryngkhlem kila ai dorkhat ha DC ban pynkynmaw iaka jingdawa transformer ka KSU kaba kala buh naduh u snem 2020, hynrei mynta kam don kino kino ki dak ki shin ban buh ia u transformer da ka MePDCL ban pynbiang iaka bording ha kane ka shnong.

U Local MLA jong ngi u Kyrmen Shylla u ba dei u Minister u la kular ban pynioh transformer ha kine ki snem bala dep, phewse kane ka shnong haduh mynta ka dang hap ban mad iaka jingeh ban pyndonkam iaki tiar ki tar ba dawa shibun ka line ding.

Ka KSU kala kyntu ia u DC ban shimkhia ban pynioh iaka ding kaba thikna ban myntoi u paid ba thang bording.