Thylli ki post engineer ha ka tnat PHE ha Jylla

Syllad | The Rising MeghalayaJanuary 22, 2019

Jowai: Katkum ki jingtip ba la iohlum ba thikna haduh 30 tylli ki post engineer ki la thylli ha ka tnat PHE bad haduh mynta ym pat lah ban thung ïa kine ki post.

Ha u snem 2018 ka Jaiñtia Students’ Union (JSU) ka la phah ïa ka dorkhas sha u Myntri ka tnat PHE ban khot application noh ia kine ki post lyngba ka MPSC bad u Myntri ruh ula kubur ba thylli ki post engineer bad u la kular ban leh ïa kane hynrei haduh mynta ka MPSC kam pat khot application.

Kine ki post ba thylli ki kynthup ïaka kam Assistant Engineer Civil, Assistant Engineer Electrical bad ka post Assistant Engineer Mechanical.

Kane ka jingpynslem kan ktah shibun ïa u paidbah bad ia ka tnat hi khamtam ha ka ban pyntrei ia ki Scheme kiba wanrah jingmyntoi ïa u paidbah jong ka District bad ka jylla hi baroh kawei.

Featured Image Sources: Internet