Thung ka Sorkar ia ka Kong Nongrang kum ka DGP bathymmai ka Jylla

Syllad | The Rising MeghalayaMay 11, 2024

Ka ophisar Indian Police Service (IPS) ka Kong Idashisha Nongrang ka la shah thung kum ka Director General of Police (DGP) bathymmai ka Meghalaya ha ka 11 tarik mynta u bnai.

Ka Nongrang ka dei ka IPS kynthei ba nyngkong eh na ka Jylla ka ban ioh ban bat ia kane ka kam ba hakhliehduh hapoh ka Tnat pulit.

Ha ka jingpynbna lyngba u Secretary ka Tnat kam pohiing ka sorkar Jylla u Bah Cyril V.D. Diengdoh la pyntip “ba napdeng jong ki heh IPS ophisar ba la mynjur da ka  Empanelment Committee jong ka Union Public Service Commission (UPSC) ha ka jingialang kaba la long ha ka 2 tarik mynta u bnai, bad na ka bynta ka jingpyntip paidbah, na ka liang u Lat ka Jylla u la mynjur ban thung ia ka Kong Idashisha Nongrang kaba dei ka ophisar IPS na ka batch (RR:1992), bad kaba bat mynta kum ka Director General of Civil Defence & Home Guard, Meghalaya Shillong kum ka  Director General of Police ka Meghalaya na ka bynta ka samoi treikam kaba ar snem kynthih, kata ka ban sdang naduh ka 20 tarik Jymmang 2024 haduh ka 19 tarik u Jymmang 2026,” ong ka jingpynbna.