Thung dieng ka KYM bad ki nongrep ka Pynthorneiñ ha Wah Myntdu

Syllad | The Rising MeghalayaJuly 31, 2021

Ka Khooid Ya Ka Wah Myntdu (KYM) ha ryngkat ka Myntdu Pynthorneiñ  Farmers Welfare and Producer Organisation bad katto ki nongshong shnong kila pynlong iaka jingthung dieng haka sngi Saitjain.

Haduh 45 tylli ki tynrai dieng la thung ha ki bynta ba shaneng ka wah Myntdu.

Ha kane ka jingiathung diang la iadonlang u KL Pariat President KYM, Joorbha Phawa uba long uwei na ki nongrep bad kiwei kiwei.

Ka jingthmu jong kane ka jingthung dieng kalong ban kyrsiew iaki nongshong shnong kiba don sawdong ka wah Myntdu khamtam kiba na Jowai ban iada na ka jingtwa khyndew bad ban pynjyrngam iaka bynta jong ka Myntdu da ki dieng ki siej.

Kane ka jingthung dieng kalong ruh ban pynkynmaw iaki paidbah ban iada na ka wah bad la kyntu ban kiar iaka jingbret iaki jaboh plastic bad kiwei kiwei ki ñiut ki nier sha ka wah Myntdu.