Thung baji ar tylli ki trok sha synrang ha Sunapur

Syllad | The Rising MeghalayaOctober 18, 2020

Ar tylli ki trok kila thung baji sha poh synrang kaba jrong kumba 200 phut eiei ha Sunapur, East Jaintia Hills District.

Kane ka jingjia kala jia hynnin ka nohphaisngi haka por kumba 4:30 Pm.

Kine ki ar tylli ki trok ki dei ka trok kit fridge bad ka trok ki nar rod ban kit sha Assam, hynrei haba la poi ha Sunapur hajan ka mandir kila hap shapoh riat kaba jylliew kumba 200 phut la iathuh ki nongshong shnong.

Kine ki trok kiba hap kila shakut ha shiteng riat ba shah ki dieng ki siej. Baroh shimiet ki paidbah ha ryngkat ki pulit kila wad iaki nongniah bad nongbud kine ki trok.

Haduh bala thoh iaka khubor ruh ym pat lap iaki nongniah bad nongbud ki trok.