Ther tyngeh ka JNC ia u Dy.CM halor ka lynti rel

Syllad | The Rising MeghalayaJuly 21, 2023

Ka Seng Jaintia National Council (JNC) ka la ther tyngeh ia ka jingkren laplah jong u Dy.CM ka jylla u Bah Sniawbhalang Dhar uba la pynpaw ba na ka liang ki nongshong shnong ka Jaintia Hills kila kyrpad ia ka sorkar ban wanrah ia ka lynti rel hapoh Rilum Jaintia.

Ka Seng ha u kyrwoh lyngba u Publicity Secretary u bah Mebanteilang Sukhlain ka la ong ba kane kam long satia kaba shisha bad lehse ka dei ka jingpynpaw jong ki katto katne ki nongkhaii kiba ia donkti lang bad ki riew sain hima, bad na ka liang ka seng hi kan ym ailad satia ia kine ki khwan myntoi bad kan ieng pyrshah ia kane ka jingthmu katba ym pat lah ban pyntreikam ia ka Inner Line Permit (ILP) ha ka jylla.

Nalor kata ka seng ka buh jingkylli ruh ba naduh mynno ka sorkar ka buh ia kita ki kyndon ain ban  tehlakam ïa ka jingwan rung beain jong ki bar jylla, namar wat hadien lai snem tam ba la mynjur ia ka rai ban dawa ILP hynrei kane kam shym la urlong satia, bad ka  Ka MRSSA ruh kam shym lah treikam haduh mynta.

Ka Seng ka la ong ruh ba ka sorkar ka dei ban klet shwa ia ka lynti rel hynrei ban pyrkhat ban wanrah shwa ia kiei kiei ki ban long ki jingmyntoi ia ki saml, kata kum ka Government College ha East Jaiñtia Hills,ban pynkloi ia ka Residential School, ka jaka aijinghikai na ka bynta ki nonghikai hapoh EJHD bad kiwei kiwei.

la lah ban ai jingmyntoi ia u paidbah ka thaiñ, bad ka pynrem jur ia ka sorkar namar ka jingbym urlong ka bhah thungkam ia ki trai shnong kaba long 80 percent.

Kumta ruh na ka liang ka seng ka la ong ba ka sorkar ka dei ban klet shwa ia ka lynti rel hynrei ka dei ban phai khmat shwa sha ki jingeh ba ki paidbah kumjuh sha ki samla wad kam wad jam, ki lynti ki syngkieng kiba la shu pyntrei torti da ki kontraktor, sha ka Civil hospital kaba tang ka nam bad ha kiwei kiwei pat bynta jong ki kam pynroi.