Theh umpjah u slap bad u phria iaka jingtrei shitom ki nongrep baroh shisnem

Syllad | The Rising MeghalayaNovember 5, 2024

Mynta ka sngi ka dei ka sngi kaba sngewsih kthang iaki paid nongrep ka shnong Mustem, Iongnoh, Muphlang, Pynthorlangtein bad ki shnong ba marjan hadien ba u slap ryngkat bad u phria kiba la wan ther tang katto katne minit kila pynjulor lut ia u kba u khaw uba sah satang ban lum sha u thiar.

Kane ka jingther u slap ha ryngkat ba u phria ha ka por kumba 2:20 PM uba rben kumba 4-5 inchi kala theh umpjah shisyndon iaka jingtreishitom ki paid nongrep baroh saw aiom ha kaba u kba uba sah sa tang ban lum ula hap lut sha madan.

U Waheh Shnong Muphlang u Wallam Shylla, ula iathuh ba bun ki longïing ha ka shnong jong u ki la pyntip ba kila duh lut ia u kba bad mynta kim thikna shuh kumno ban leh.

U la pyntip sha u Block Development Officer bad sha u Gram Sevak da ka jingkyrmen ba ka sorkar kan kner iaka kti jingiarap jong ka.