Tang kiba la sah 12 snem hapoh ka District kiba lah ban aplai PRC: DC, East Jaintia Hills

Syllad | The Rising MeghalayaOctober 31, 2023

U Deputy Commissioner ka East Jaintia Hills District, Khliehriat ula pyntip ba kito kiba aplai ban ioh ia ka syrnot Permanent Residential Certificate (PRC) kin dei tang na ka bynta kito kiba donkam na ka bynta ki jingpule kiba kham shalor bad ki training bad ki dei tang na ka bynta kito kiba la shong la sah ym duna ia ka 12 snem hapoh ka district bad kiba la rai kut ruh ban shong sah hapoh kane ka district.

Lah ban aplai ia kane ka syrnot PRC lyngba ka online kata da kaba leit lyngba ka website https://megedistrict.gov.in ha ryngkat ki kot ki sla ba donkam kum ka EPIC lane Aadhaar Card, Birth Certificate, Residential Certificate, ST Certificate, ka dur shi dkhot ne passport size, ka Admit Card na skul bad College lem bad ka  Marksheet  nalor ka jingpynshisha ia ka jaka shong jaka sah ki kmie ki kpa.