Syrtok ki paidbah nongpang bym wan biang por ki nongtrei ka Namdong CHC

Syllad | The Rising MeghalayaJuly 5, 2023

Ka Khasi Students’ Union (KSU) Namdong Area Unit kala ujor sha u District Medical and Health Officer, West Jaintia Hills halor jingbym wan biang por ki nongtrei kaba la wanrah jingeh ia u paid nongpang ka thain.

Kane ka jaka sumar ka dei kaba la kyntiew kyrdan ha kine ki khyndiat bnai naka PHC sha ka kyrdan CHC ha u bnai Naiwieng 2022.

Ka KSU Namdong haka sngi ba Ar kala hiar jurip iaka Namdong CHC bad kala lap ba haduh ka por 11 baje mynstep ym pat wan ki nongtrei kane ka hospital.

U Juhhi Tariang general secretary KSU Namdong Area Unit ula iathuh ba kila jurip ia kane ka hospital hadien ba kila ioh iaka jingujor na u paidbah nongshim dawai ha kane ka jaka sumar bym ju wan tista ki nongtrei nalor kata 2-3 nohphaisngi ki nongtrei kane ka jaka sumar kila mih noh na jaka trei.

Ha kane ka jingjurip ula ong ruh ba kane ka hospital kam don bording bad ka solar panel kaba don ha kane ka hospital ruh kam treikam bad kane ka jaka sumar ka hap ban shong haka jingdum.

Ka KSU kala ai jingmut ia u DMHO ban buh noh da ki DG set ban pynbiang bording ia kane ka jaka sumar bad dawa na u DMHO ban pynthikna ba kane ka hospital kan ai jingshakri ia u paidbah nongpang bad nongshim dawai