Synñiang u samla na Sutnga da ki tin sopïing sha ki ar ïing

Syllad | The Rising MeghalayaJanuary 24, 2021

U Iaiban Lyngdoh u ba na ka shnong Sutnga ula lehkmen ia ka sngikha jong u da kaba kner ki kti jingiarap ban synniang daki tin sopïing sha ki ar tylli ki longiing haka shnong Mooshrot, Laskieñ block west Jaintia Hills District.

Ha kane ka jingai sngewbha une u samla iadonlang u Waheh shnong u Janai Suchiang, Justice Paul Lyngdoh Education Secretary ka KSU Jaintia Hills District, Barlin Suchiang ryngkat ki nongialam shnong bad ki rangbah jong kane ka shnong.

U waheh shnong ula pynpaw ka jingsngewnguh ia une u samla uba wan shakhmat ban lehkmen iaka sngikha jong u da kaba noh synniang bad iarap ia kiba duk ba rangli.