Synniang u nongialam ka KSU u Stremly N Suchen da ki sopti ialehkai sha ka klob Bataw YWSC

Syllad | The Rising MeghalayaSeptember 24, 2022

U Streamly N Suchen u president ka Khasi Students’ Union, East Jaintia Hills District unit ula synniang da ki sopti ialehkai football sha ka Bataw Youth Welfare Sports Club (BYWSC) haka shnong Bataw haka sngi Palei

Ia kine ki sopti ula ai haka jingphainal ka 16^th Inter Dong Football Tournament kaba pyniaid da ka BYWSC.

Nalor ki sopti, une u samla rangbah ula ai ruh iaki bol sha kane ka klob kaba peit iaka bha ka miat ki khynnah ialehkai hapoh ka shnong ka thaw.

Laiadonlang ha kane ka phainal naduh u Waheh Shnong u Ma Chemi Rupsi, Assistant Waheh Shnong u Ma Skhem Sumer nalor kiwei kiwei ki riew rangbah ka thain.

U kongsan ba pynhap pyrda ia kane ka inter dong u dei u Ma Lomis Langstang.

Haba phai sha ka phainal jong kane ka inter dong kaba long ha madan ha Madan Lacheh, ka Bataw Um-Styndong Sports Club kala rah iaka nam lahduh hadien ba kala lah ban pynliem da 3-1 iaka Um-Syiem Football Club

Ka lahduh kala rah iaka song pisa T.15000 bad ka lahduh ba ar kala ioh ban khung Rs.10,000.