Synniang pisa ka Balang Presbyterian Ratacherra sha ka CMRF

Syllad | The Rising MeghalayaApril 29, 2020

Ka Balang Presbyterian Ratacherra haka jingialam u Pastor Dewanker Dhar ka la noh synniang 1 lak tyngka sha ka Chief Minister’s Relief Fund (CMRF) for COVID-19.

Ka Balang Ratacherra ka la synniang ia kane ka pisa kum shibynta ban kyrshan lem iaka sorkar ban iakhun iaka khlam jingpang COVID-19.

Ia aiti iaka ka Cheque ha u Deputy Commissioner ka East Jaintia Hills District u Bah FM. Dopth IAS ha kamra treikam jong u haka jingiadonlang u Tbn. Desous Pohshna haka sngi Ba Ar.

U Pastor Dewanker Dhar ula ong ka Balang kam lah ban synniang shibun ka song pisa bad ka la iarap katkum ka jingkotbor jong ka bad kane ka long ka dak ban iatreilang ha kum kane ka por khlem da khein ia kino kino ki jingduna haka jingtreikam.

Ula kyntu iaki paidbah ba kin bteng iaka jingiatreilang bad ka sorkar na ka bynta ban iakhun ia une u khniang jingpang bad hajuh ka por ula kitbok kitrwiang ia baroh ki nongshong shnong jong ka Jylla bad ka ri kiba la ioh pang ha une u khniang ruh ban ki ioh ka met kaba koit kaba khiah.