Synniang ka KHNU da u khaw sha kawei ka longïing ha Mihmyntdu

Syllad | The Rising MeghalayaOctober 8, 2020

Kum shibynta ban iarap ia kawei ka longiing kaba duk kaba shah ktah haka kamai kajih naka jingiakhun pyrshah iaka khlam Covid-19, ka Khun Hynniewtrep National Union (KHNU) kala synniang da u khaw sha kawei ka longing ha Lumpyrdi Mihmyntdu.

Kane ka longiing kaba ioh myntoi kadei ka longiing ka kong Pdok Lyngdoh kaba shong basah ha Lumpyrdi Mihmyntdu.

Ia une u khaw la leit ban aiti da u vice president KHNU Riling Ryngkhlem,  ha ka jingiadon lang u president K Dkhar bad ki dkhot ka KHNU.

Na ka liang u bah Ryngkhlem u la ong ba wat lada kim lah ban ai ne iarap shibun, hynrei kila ai jingiarap katkum ka bor kaba ki lah ei bad kila jied ia katei ka iing kaba shah ktah bha.