Synñiang ka AJCA da ki tyndong Oxygen sha ka MCH Jowai

Syllad | The Rising MeghalayaJune 7, 2021

Ka All Jaintia Cricket Association (AJCA) kala synñiang da ki tyndong Oxygen Concentrator sha ka Maternal and Child Health Hospital, Panaliar, Jowai kaba la pynkylla sha ka COVID-19 Hospital haka sngi Nyngkong.

Ka AJCA hapoh ka jingialam u President u Edystone Shylla, u General Secretary u Waibor Sohlang, Tournament Secretary Daowan Nartiang bad u Joint Secretary u Hardy Passah kila leit ban aiti ia kine ki tyndong lyer Oxygen.

U Ma Edystone ula ong ba kila synniang 5 tylli kine ki tyndong Oxygen ban iarap iaka aspatal kaba sumar iaki nongpang COVID-19.

“Ngi la ai ia kine ki tyndong lyer ba ngi sngewkhia halor kane ka jingkiew ka jingiabit khlam jingpang COVID hapoh ka district bad kum shibynta ban ai ka jingkyrshan ia kiba duk ba suk kiba iabit iaka khlam jingpang bad iaka aspatal ba kin ioh ban pyndonkam haka por ba donkam,” la ong u ma Edystone.