Syllad ka trok iaka kali pick up ha Tuber Shohshrieh iap 5 ngut, mynsaw 9 ngut

Syllad | The Rising MeghalayaJune 26, 2021

San ngut ki briew kila khlad hashen bad 9 ngut kila mynsaw jur haka jingjia aksident kali kaba jur kaba la jia ha surok bah NH 6 haka shnong Tuber Shohshrieh, East Jaintia Hills mynta ka miet hadien ba kawei ka trok kala syllad iaka kali Mahindra Pickup.

Ka khubor kaba iohlum kane ka jingjia aksident kali kala jia haka por kumba 9:45 PM hajan ka petrol pump ha Tuber Shohshrieh.

Ka khubor ka iathuh ba kane ka pick up kadei kaba la duh umphniang bad la ngiat iaka, hynrei kynsan kynsan la wan ka trok kaba don u register nomber AS01LC 6357 bad kala rat ia kane ka pick up kaba ym don number plate bad 5 ngut ki briew kila iap ha shen.

Kine ki briew kiba ngiat iaka pick up ki dei kiba naka Mynsoo bad Kyndongtuber kiba wan thungkba na ka thain Semasi, East Jaintia Hills District.

Ki paidbah kiba iohi ia kane ka jingjia kila pynioh jingiarap ia kiba mynsaw 9 ngut bad kit sha hospital Jowai Civil Hospital Ialong bad Woodland WK Hospital, Sabahmuswang, katba iaka metiap jong ki 5 ngut la kit ynda la wan ki Pulit na Ladrymbai.