Subroto Cup: Jop ka Mynken 23 kol iaka DNH&DD

Syllad | The Rising MeghalayaSeptember 2, 2024

Ka Mynken Christian Higher Secondary School, Bhoirymbong, kaba mih khmat ia ka jylla ha ka U-17 jong ka Subroto Cup International Football Tournament ka la lah ba kan pynliem haduh 23-0 pyrshah ia ka skul kaba dei na Dadra & Nagar Haveli and Daman & Diu Haka jingialehkai kaba long ha Dr Ambedkar Stadium, New Delhi haka 2 tarik Nailur

Ha kane ka jingiakhun kaba dei artad ka jingialehkai kaba nyngkong jong ka Mynken, la don haduh arngut ki player jong ka Mynken Christian SS kiba la lah ban  thep ia ka double hat-trick bad kine ki long u Alice 7 kol Mebanlamlynti 6 kol, ia kaba la bynrap lang da u Banpliebok lai kol.

Nalor katta u Pynshai u la ioh ban thep ar kol, katba u and Franky, Banganson, Bipiush, Andrew ki la ioh ba kin thep mar shi kol.

Ka jingiakhun kaban wan ia ka Mynken Christian kan  dei lashai pat ka sngi pyrshah ia ka Chandigarh kaban long ha ka por 2:30 nohphai sngi.