Sngewnguh ki longkmie na ka shnong Tamu ia u ma Sniawbhalang

Syllad | The Rising MeghalayaMay 15, 2025

Ki longkmie na ka shnong Tamu kila pynpaw iaka jingsngewnguh kaba khraw ia u MLA Nartiang uba long ruh Symbud Myntri Rangbah ka Jylla u ma Sniawbhalang Dhar uba la kner ka kti jingiarap jong da kaba synniang tin sop iing sha ki 160 tylli ki longing.

Ia kine ki tin sopiing la pynpoi sha katei ka shnong haka 14 tarik Jymmang.

Ki longkmie na kane ka shnong hadien ba la ioh pdiang ia kine ki tin, kim lah khlem da pynpaw iaka jingsngewnguh ia u ma Sniawbhalang namar ba kane ka shnong ki dang bun ki iing kiba dang tap iaka iing da ki phlang.

Kane ka jingioh pdiang ia kine ki tin sop iing ka wan haka por kaba biang eh na ka daw ba kane ka shnong kan pdiang iaka jingiaseng presbytery ban ioh pynbha pynmiat iaki iing ki sem bad ban lait na u slap u phria, la ong ki longkmie na kane ka shnong.