Sngewnguh ka Shnong Sohphoh ia ka jingiarap ka JHDS sha ki longïing ba duk

Syllad | The Rising MeghalayaApril 23, 2020

Ka Shnong Sohphoh ba hap hapoh ka West Jaintia Hills District, Meghalaya kala pynpaw ia ka  jingsngewnguh bakhraw haduh katta kata ia ka Jaintia Hills Development Society (JHDS) kaba la wan ai  jingiarap lem ia ki nong shnong shnong ha kum kane ka por ka saw ka sain ban ïakhun pyrshah iaka khlam COVID-19. Ha ka sngi ka 20th April 2020, ha ka jingiadonlang  u director iong ka seng I Rev Fr Manbha Pakem ha ryngkat I  Animator  ka seng I bah Rimi Pyngrope, ki la wan ban ai  jingiarap da u Khaw sha ki 35 tylli ki long iing  ki ba la ia kynduh jingeh na ka ka daw ka jing pakhang shnong. Kiba bun kum na kine ki longing ki dei kiba shu shaniah tylli ha ki kam bylla sngi ban im ja kpoh bad ki ba duk ba kyrduh.

Ha ka jingkren ba lyngkot shwa ban sam ia u khaw sha ki nong shong shnong, u Rangbah Shnong, I bah Kishon Kharsahnoh, I la ai khublei bad sngwnguh shi katdei eh ia ia kane ka seng ryngkat bad ki nongtrei jong ka, ki ba la ju iarap man ka por ia ki paidbah jong ka shnong kum ha ki kam rep kam riang, ki symbai ki rnai bad kiwei de. Khamtam eh ba ki la kloi ban iarap lem, ha kum kane ka por ba ki paidbah ki iakynduh jingeh bad kut lad namar kim ioh shuh ban leit bylla kumba ju long.

U Rangbah shnong u la pynpaw ruh ia ka jingsngewbynniaw ia ka jingslem ka sorkar ban phah ia ki lad jingiarap sha ki paidbah ba duk ba kyrduh kumba la pynpaw ha ki lad pathai khubor namar katba dang iaid ki sngi pakhang shnong ki briew ki dang ia kynduh jingeh naka daw ka jingkiew dor ki marbam mardih bad bym ioh lad shuh ban leit trei leit ktah. I Animator ka seng I bah Rimi Pyngrope, ha ka jingkren jong I, I la ai mynsiem ia ki paidbah nong shnong shnong ban ym duh jingkyrmen namar kane ka jingpang COVID-19. I la kyrpad ruh ban ym ngeit beit ia ki khubor hamsaia, hynrei ban bud pynrkhing ia ki kyndon ba la buh ka sorkar lyngba ka tnat ka koit ka khiah.

U Director ka JHDS, I  Fr Manbha Pakem, kaka jingkren jong i, I la kyrpad ia ki nong shnong shnong ban leh khuid leh suba, ban bud ia ki jinghikai ba la ai ka sorkar bad khamtam ban iatrei lang bad ki bor pyniaid shnong na kabynta ka bha ka miat jong baroh. I la ong ba ym dei ban khein sting ia kane ka jingpang wat lada kam pat don ha kine ki thain jong ngi, hynrei dei ban long ki ba husiar bad phikir bha, ban kiar naka leit jingleit sha kiwei ki jaka, na ki jaka ba bun briew, ban bud pynrkhing ia ki kyndon ha ba thied ba pet, ha baleit sha ki bank bad ban ia leh katba lah ban ym mih na iing, lait noh tang ha ba don kam palat.

I la pynkynmaw ruh ba ngi dei ban long ki briew ki ba sbun mynseim, ki ba kloi ban iarap kylliang ia ki para marjan ha ba ki don kam kano kan ka jingiarap. I  ai mynseim ruh ba ngim ei ban khuslai jingmut na kadaw kane ka jingpang namar kam long k ba bha ban khuslai namar kan pyntlot ia ka bor met jong ban ialeh pyrshah ia ki jingpang hynrei ngi dei ban long barabor ki ba kmen khang ba ka bor met jong ngi kan khlain. I la pynkynmaw, ba kum ki briew ngi dei ban shaniah ha u Blei, ha kum kane ka por jong ka jingtynjuh bad ruh ban sumar bah ialade.

Ha shwa ban pynkut , i Secretary shnong  I la ai khublei sngewnguh  ia ki nongtrei jong ka JDHS, ki nongialam shnong naduh u Rangbah shnong, chairman shnong I bah Hariswell Talang, ki dkhot ka executive committee ba lah ban ia don lang,bad kumjuh ruh  ia ki nong shongshnong. Lyngba kane ka khubor, ki nongialam ba hakhamt jong ka shnong Sohphoh ki la buh ka jing kyrpad ia ki nongmihkhmat jong ka thain naduh u MLA bad MDC lada don ka lad, ban iarap lem ia ki nong shnon shnong ha kum kane ka por ba ki paidbah ki iakynduh ia ki jingeh ba khraw ha kiba bun ki bynta naka daw jong ka pakhnag shnong halor ka jingialeh pyrshah ia ka jng pang COVID-19.

Mutshwa Thabah | Secretary Shnong Sohphoh | West Jaiñtia Hills District.