Sngewnguh ka shnong Khanduli ia u Sniawbhalang Dhar ba pynioh tin sop iing

Syllad | The Rising MeghalayaApril 29, 2025

Ki nongshong shnong ka Khanduli, West Jaintia Hills District kila pynpaw ia ka jingsngewnguh kaba khraw ia u Symbud Myntri Rangbah bad MLA ka thain Ma Sniawbhalang Dhar, na ka bynta ka jingiarap ba sbun jong u ia ki nongshong shnong.

U Waheh shnong ka Khanduli u Ma Yooshida Nongspung ula ong, u Ma Sniawbhalang Dhar ula ai sngewbha lai song ka tin sopiing kawei ka iing bad ha ka shnong Khanduli u la iarap 153 tylli ki long iing kiba la ioh jingmyntoi na kine ki tin kaba la iarap shibun ia ki nongshong shnong jong ngi.

Ula pyntip ba ia kine ki tin sop la aiti sha ki 153 tylli ki long iing jong ka shnong haka 29 tarik Iaiong.

Ka shnong Khanduli kam lah khlem da pynpaw iaka jingiarap basbun jong u MLA ia ki nongshong shnong jong ngi bad kan ai jingmyntoi shibun ia ki nongshong shnong khamtam ia kito kiba donkam ban sop iing, la ong u waheh shnong.