Sngewnguh ka KSU iaka sorkar bala khot kam nonghikai ha Rymbai Govt SS; 3 post ka kam aplai noh

Syllad | The Rising MeghalayaOctober 18, 2023

Ka Khasi Students’ Union (KSU), East Jaintia Hills District kala pynpaw iaka jingsngewnguh iaka sorkar halor ka jingshimkhia jong ka ban khot thung kham nonghikai ha Rymbai Government Secondary School.

Lah ban pynkynmaw ba ka KSU kala shimkhia ban rah sha ka sorkar halor ka jingbym nonghikai kane ka skul hadien bym don nonghikai haka sobjek Science la shi snem kynthih.

Tang hadien shisngi ba pynpoi shithi ka KSU sha u Director School and Education Literacy ka Sorkar jylla, haka sngi kaba bud ka DSEO, East Jaintia Hills kala pynmih iaka jingpynbna haka 18 tarik Risaw.

Kine ki kam nonghikai ha kane ka skul ki don haduh lai post, kynthup iaka kam Assistant Teacher (Arts) 2-post, bad Assistant Teacher (Life Science) 1-post. Ka kyrdan ki nonghikai ka dei BA BEd bad BSc BEd. Ka jingsiew ka long T.30 hajar bad ka kam kalong contractual basis.

Khot interview ka DSEO iaki post nonghikai ha Sohkha, Nongtalang, Govt Girls’ HSS

Ka sngi interview kan long haka 27 tarik Risaw, 2023 ha ophis u DC Khliehriat haka por 11 baje mynstep.