Sngewlem ka KSU East Jaintia Hills iaka jingkhlad noh i (L) Kynjaimon Amse

Syllad | The Rising MeghalayaAugust 23, 2024

Ka Khasi Students’ Union (KSU), East Jaintia Hills District Unit kala phah iaka khubor sngewlem sha ka iing ka sem i (L) Kynjaimon Amse u muktiar jong ka thaiñ East Jaintia Hills District. I dei iwei na ki riew paw khmat ka thaiñ bad i nongialeh  shitom ban pynbor ia ka sorkar ban wanrah ia ka roi ka par ha ka thaiñ East Jaintia hi baroh kawei.

“Ka long shisha ka jingduh ba khraw ia ka thaiñ East Jaintia bad ia ka Elaka Narpuh hi baroh. Ka seng kan iai kynmaw ia ki kam jong u, uba iakhun ia ka bha ka miat ka thaiñ East Jaintia khamtam ki thaiñ Narpuh bad ki shnong khappud India Bangladesh bad ia ka jingleh bymsuidniew ka sorkar ia ki briew ba sah sha khappud.

Ka jingpyntip na kiba ha iing u (L) Kynjaimon Amse

Ngim lah ban klet ia ki kam ba bha jong i, ka seng ka pynpaw sa shisien ia ka jingsngewsih bad phah iaka khubor sngewlem sha kiba haiing halor ka jingduh noh ia i (L) Kynjaimon Amse iba long ruh kum ka nuksa ba bha  ia kiwei pat ki khun samla jong ka thaiñ .” ong u kyrwoh ka KSU.

Khlad kyndit u Kynjaimon Amse u nongiasaid ain bad nongtrei kam bhalang ka East Jaintia Hills ha ka jingjia tyngkhuh kali