Sngewlem ka CCIBRP halor ka jingkhlad u shipai Khasi ba don bynta ha ka thma laitluid ka Bangladesh

Syllad | The Rising MeghalayaDecember 1, 2023

Ka Coordination Committee of Indo Bangla Riwar People (CCIBRP) ka pynpaw ka jingsngewlem halor ka jingkhlad noh jong U bah Africa Suting uba dei uwei na ki shipai Khasi uba don bynta ha ka jingialeh laitluid jong ka Bangladesh ha u snem 1971.

Ha u kyrwoh sha kiba haiing, na ka liang ka committee ka sngew kitram shibun halor ki kam radbah jong une rangbah, ha kaba la pyndon burom ruh ia u ha u bnai Risaw 2021, ha shnong Mawryngkang.

Ka jingleit on tep donburom ia u Bah Africa Suting kan long lashai ka sngi, ka 2 tarik Nohprah 2023, ha ka jingpyniaid ka Balang Katholik ha Awla Punjee ha Bangladesh.

Nalor kata la iathuh da u khun jong u, u Bah Dewi Khonglah ba ka jingleh burom na ka liang ka Balang bad ka iing kan long ha ka por 12 baje shiteng sngi, katba ki shipai jong ka Bangladesh kin leh burom ia utei u rangbah ha ka por 1baje nohphaisngi.

Kane ka long katkum u kyrwoh lyngba u Bah Bah RM Shabong, Chairman, Coordination of Indo Bangla Riwar People.