Sngewkhia KSU Khanduli-Umshangiar ba shah pynjulor ki jingtei naka skim bylla 100 sngi ha khappud

Syllad | The Rising MeghalayaFebruary 26, 2021

Ka Khasi Students’ Union (KSU) Khanduli-Umshangiar Unit kala pynpaw iaka jingsngewkhia kaba jur halor ka jingshah pynjulor ki jingtei naka skim bylla 100 sngi haka shnong Mukoiram, ka shnong kaba don ha khappud West Jaintia Hills District, Meghalaya bad West Karbi Anglong, Assam.

Ka KSU kala lap ia kane ka jingjia shah pynjulor ki jingtei na ki skim sorkar haka 20 tarik une u bnai haka shnong Mukoiram. Ka Mukoiram ka dei ka shnong kaba hap hapoh ka Thadlaskein C&RD Block.

Kine ki jingtei kiba shah pynjulor ki dei ki jaka saitjain kaba la pyntrei na ka skim 100 naduh u snem 2018-19.

Ka KSU Khanduli-Umshangiar kala pynpaw ka jingsngewkhia halor kane jingshah pynjulor ki jingtei na ki skhim sorkar bad kala kyntu iaka sorkar jylla ban shimkhia ban iakren khnang ba u paidbah ba sah khappud kin nym duh jingmyntoi na ki skim sorkar.