Smart Town Project: Mang iaka Jowai 79 klur, ka Tura 338 klur

Syllad | The Rising MeghalayaFebruary 20, 2024

U Myntri Rangbah ka Jylla, u Conrad K Sangma haka 20 tarik Rymphang, u la pynpaw ba ka sorkar jylla kala mang haduh T. 338.152 klur na ka bynta ban pyntrei ia ka Tura smart town bad mang ruh T. 79 klur na ka bynta ka sor Jowai.

Haba jubab ia ka jingkylli ba la wanrah hapoh ka iingdorbar thaw ain u CM u la ong, “Ia mynta hi ngim pat don ia ka plan ban kyntiew ia ka jingdon jong ki smart town, hynrei ka dei ka thong ka jong ngi ban pynthikna ba baroh ki headquarter jong ki district kin shah pynhap hapoh kane ka programme.”

U CM u la ong ba ia mynta hi ki jaka sor ha ka jylla kiba la shah pynhap hapoh ka smart town ki kynthup ia ka Tura bad ka Jowai. Nalor kata u la ong ba ka pisa ba la mang na ka bynta ka sor Tura ka long T. 338.152 klur bad na ka bynta ka Jowai la mang T. 79.8 klur.