Shyrkhei ka thung kam sop sop ki politician ha ka Health Department: Disparsing

Syllad | The Rising MeghalayaFebruary 24, 2022

U nongwad RTI, khamtam haba iadei  bad ki kam ba lait bad bym shym la pynbna iar shuh da ka sorkar jylla ha kine ki khyndiat snem kiba la dep, u bah Disparsing Rani, u iathuh ba ka khubor haba iaid sharum shaneng na ka sur u paidbah uba bun balang u kynnoh baka ka shyrkhei bha ka jingthung kam thung jam ba sop sop bha da ki politician ha ka tnat jong ka koit ka khiah ne ka health department, khamtam lei lei hangne hapoh East Khasi Hills District.

Haba iakren bad u bah Disparsing, u la iathuh  ba dei tang da ka jingwad bniah jong ka RTI, ba da lei lei yn nym lah satia ban burieh ia kane ka rukom thung kam ba sop sop, ha kaba ka jubab kaba u la a iai ap ba un ioh hi kan sa kren shai kdar, ba hato katta ka khubor na ki riew paidbah ba shu iakren hangne hangtai ka dei shisha ne em.

U Bah Disprasing u sngew ban ong ba naka jingwad bniah bad trei shitom na ka liang ka jong u, lehse kiei kiei baroh kin sa paw pen ryngkew, namar ha ka RTI kaba u la pan na kane ka tnat treikam jong ka sorkar, kan sa mih paw, lynjgba ka correction list, kaban sa kdew shaikdar naduh ka sngi ba kita ki nongioh kam ki la leit ban treikam nyngkong ne joining report, ban bynrap lang sa ka jingpynskhem ia ka kam ne regularisation bad ka jingpynskhem ne ka confirmation kin hap ban mih paw beit ha kane ka RTI, kaba u la dep ban pan bad iai ap mynta satang ban ioh pdiang ia ka kaiphod na kane ka tnat.

Dei lyngba ka jingwad ia ka RTI, ba u bah Disparsing u pynpaw ba da lei lei ia kine ki briew ba la shu thungkam sop sop da ki politician  ba kin nym lah ban pynpaw ne set ia kane.

Dei halor kane ka nongrim, ba u bah Disparsing u sngew ban ong ba lada lap ia kane ka kam ba rieh bad ba sop sop lyngba ka RTI, kane hi kan sa khanglad ia ki heh ophisar ba nangne hi shakhmat da lei lei kin nym lah shuh ban ngiet ne kohnguh ia ki politician namar lada ki iai pyndem ne nguh sa ia ki politician, kin buh jingeh kylla ialade.

Tang kum ka nuksa, u bah Disparsing u pyni ba ban ai ia ka syrnot thung kam ne ka appointment uba hap ban ai dei u ophisar ym dei u politician.